ቡሬ የተ.ኣ.ኢ.ፓ በምእራብ ኢትዮዮùያ ፤ በአማራ ክልል፤በምዕራብ ጎጃም ዞን ቡሬ ከተማ የሚገኝ ፓርክ ሲሆን ከአዲስ አበባ በ411ኪ/ሜ ከባህርዳር ደግሞ በ156 ከ/ሜ በስተ ደቡብ ምዕራብ ይገኛል አማራ ኢንዱስትሪ ፓርክ ልማት ኮርፖሬሽን.

ቡሬ የሚገኘው በወለጋ፤ጎንደርና ሽዋ በሚያገናኝ አማካይ መንገድ በመሆኑ አዳዲስ ኢንቨስትመንቶችን ለመሳብ የሚያስችል ሰፊ እድል ያለው ፓርክ ነው ፡፡ ቡሬ የተ.አ.ኢ.ፓ በ 260.5 ሄ/ር መሬት ላይ የተገነባ ሲሆን በመጀመርያው ምእራፍም የተሟላ የውሃ፤መብራት፤ስልክና መንገድ፤ የተዘረጋለት ሲሆን ከዚህም በተጭማሪ ለቢሮ፤የሰራተኞች መኖርያና ለፋብሪካ አገልግሎት የሚውል የሼድ አገልግሎት ተሟልቶለታል፡፡

በ ቡሬ የተ.አ.ኢ.ፓ በ100 ኪ/ሜ ዙርያ 7 የገጠር ሽግግር ማእከላት (ገ.ሽ.ማ) የሚገኙ ሲሆኑ እነዚህም መራዊ፤ፍኖተሰላም፤ዳንግላ፤እንጅባራ፤ ቻግኒ፤ አማኑኤልና ሞጣ ናቸው፡፡ እነዚህ የገጠር ሽግግር ማእከላት በኢትዮጵያ መንግስት ተነሳሽነት ሲቋቋሙ የገጠር ልማቱን ለማሳደግ ብቻ የተቋቋሙ ሳይሆኑ የ ቡሬ የተ.አ.ኢ.ፓ ከአካባቢው ማህበረሰብ በጥሬ እቃ አቅርቦት ለማስተሳሰር ጭምር ታሳቢ በማድረግ የተቋቋሙ ናቸው፡፡ በዚህም መሰረት በገጠር የሽግግር ማእከላት ምርት ከገበሬዎች የመሰብሰብ፤ማጣራት፤መጋዘን ላይ ማከማቸትና ምርት ወደ ሌላ ከመጓጓዙ በፊትም የመጀመርያ ደረጃ የፕሮሰሲንግ ስራ የሚሰራባቸው ማእከላት ናቸው፡፡ ከዚህ ኣንፃር እነዚህ ማእከላት ለአብዛኛዎቹ የአካባቢው አርሶ አደሮች እሴት ሰንሰለት መሰረት ያደረገ የምርት ግብይትና የመገናኛ ማእከላት ሆነው የሚያገለግሉ ናቸው፡፡